Një lajm i trishtë ka ardhur mëngjesin e kësaj të hëne ku motra e komandantit legjendar, Adem Jasharit ka ndërruar jetë. Hava Jashari-Gashi, është ndarë nga jeta mëngjesin e sotëm, 23 shtator.
Ky lajm është bërë me dije nga Bekim Hamëz Jashari përmes një postimi në rrjetet sociale. Për të gjithë që e njihnin motra e komandantit legjendar ishte një grua e mrekullueshme, e përkushtuar ndaj familjes dhe të dashurve të saj.
Ceremonia mortore do të zhvillohet ditën e sotme në orën 16:30 në varrezat e fshatit Kryshvec në Skënderaj.
“Me dhimbje të thellë ju njoftojmë për ndarjen nga jeta të nënës, motrës, hallës sonë të dashur, HAVA (SHABAN) JASHARI-GASHI, e cila u largua nga kjo botë sot. Ajo ishte një grua e mrekullueshme, e përkushtuar ndaj familjes dhe të dashurëve të saj, e cila na la pas kujtime të vyera dhe një boshllëk të pazëvendësueshëm.
Ceremonia mortore do të mbahet sot më 23.09.2024, në orën 16:30, në varrezat e fshatit Kryshevc-Skenderaj. Do të mbetet përgjithmonë në zemrat tona”, shkruan Bekim Hamëz Jashari./ S.M
