Perla të reja muzikore janë rrugës! Këtë nuk e themi më kot, pasi Pirro Çako dhe Xhensila Myrtezaj kanë bashkuar sërish forcat.
Këngëtarja ka publikuar së fundmi një video në rrjetet e saj sociale ku shihet së bashku me kantautorin e njohur duke krijuar së bashku. Në mbishkrimin e videos në fjalë, Xhensila shkruan: Pirro, sa me fat jemi që prekemi nga bekimi i artit tënd. E emocionuar nga kristalet e çmuara që Pirro ka krijuar për mua. Projekte që do shenjojnë jetën
Nisur nga ky postim, duket që Pirro Çako ka krijuar disa projekte për Xhensilën, por pa kuptuar nëse ndonjëri prej tyre do të jetë bashkëpunim me njëri-tjetrin apo jo. E nisur nga “Sekreti im”, dueti i tyre i para disa vitesh, një tjetër bashkëpunim si ky do të sillte padyshim sukses të madh e të merituar./kb
