Më shumë se 80 për qind e njerëzve e kalon koronavirusin pa simptoma të rënda, por nga ana tjetër kjo sëmundje ka treguar se është mjaft serioze. Nga koronavirusi mund të përfundoni në spital dhe të luftoni për jetën gjithashtu.
Më shumë se 200 mijë njerëz në gjithë botën kanë vdekur nga pasojat e koronavirusit, mirëpo pyetja që ngrihet është se cilët njerëz që kanë simptoma të rënda rrezikojnë të vdesin.
Dr. Sarah Jarvis, në tekstin për Patient Açess, thekson që është me rëndësi të keni parasysh që shumica e njerëzve më parë do të shërohen sesa do të vdesin, shkruan Express.
– Analizat nga statistikat e ndryshme të 37 shteteve sugjerojnë që edhe njerëzit me pasqyrën më të rëndë klinike raporti i vdekshmërisë është rreth 1,4 për qind, pra 1 në 300 te njerëzit më të rinj se 60 vjeç, 1 në 15 ndër personat më të moshuar se 60 vjeç dhe 1 në 7 ndër personat më të moshuar se 80 vjeç.
Statistikat tregojnë se cila është mosha e njerëzve që rrezikohet më shumë nga koronavirusi pasi kanë kaluar një situatë të rëndë klinike të vendosur në kujdes intensiv.
Nën moshën 40 vjeç – 5 për qind;
40 deri 49 vjeç – 6,3 për qind;
50 deri 59 vjeç – 12,2 për qind;
60 deri 69 vjeç – 27,4 për qind;
70 deri 79 vjeç – 43,2 për qind;
Mbi 80 vjeç – 70,9 për qind.
Dr. Jarvis thotë se katër nga pesë njerëz do të kenë një gjendje të zbutur klinike dhe mund shërohen brenda prej 2 javësh. Nga ana tjetër, sipas studiuesve edhe pse jeni të rinj nuk do të thotë se nuk jeni të rrezikuar.
