Viti i ri akademik nuk nisi i qetë. Studentët në shenjë proteste, para Universitetit Politeknik shpalosën një banderolë, ku shkruhej “Ku janë studentët?”
Edhe në Fakultetin Ekonomik ka pasur protesta me banderola.
Shumë prej të rinjve kanë zgjedhur të studiojnë jashtë vendit, si pasojë e problematikave që mbart sot arsimi në Shqipëri.
Por edhe ata që kanë vendosur të ndjekin studimet në atdhe, janë dyndur drejt degëve të teknologjisë dhe mjekësisë, të cilat ofrojnë mundësi punësimi jashtë shtetit.
Kjo panoramë tregon se për shumë të rinj, për një pjesë dërrmuese të tyre, synimi është largimi nga Shqipëria për një jetë më të mirë në një vend europian./ S.M