Deputeti socialist Erion Braçe ka ironizuar protestën e thirrur nga opozita ditën e sotme në Tiranë.
Përmes një postimi në rrjetet sociale, Braçe thotë se e ka të paqartë thirrjen e demokratëve se gjithçka “sot është për jetë a vdekje”.
Braçe ironizon duke kujtuar 4 vrasjet e 21 janarit. Deputeti socialist pyet me ironi, ‘si do vdesin këta?’, ndërsa shkruan se s’ka ndërmend t’i vrasë kush, pasi ata që vrisnin protetsues ishin fiks këta.
“Minutat po ikin dhe sa më afër orës dëgjoj: Sot është për jetë a vdekje, boll është boll, në jemi paqësorë!
Një pyetje kam: Kur thonë se sot është për jetë a vdekje, si do vdesin këta? Se këta s’ka ndërmend t’i vrasë kush; ata që vrisnin protestuesit ishin fiks këta”, shkruan Braçe./E.T
