Cilat ngjyra dominojnë veshjet tuaja? A ka ndonjë të veçantë me të cilin keni ‘ngecur’ kohët e fundit?
Ata që merren me psikologjinë e ngjyrave thonë se dhe ngjyrat e veshjeve që zgjidhni zbulojnë elementë të rëndësishëm të karakterit tuaj.
Blu
Favorizon kreativitetin, optimizmin, qetësinë. I përshtatet njerëzve mendjemprehtë, të pavarur, që shkruajnë rregullat e tyre.
Kafe
Ngjyra e tokës u përshtatet njerëzve që janë të qëndrueshëm, tek të cilët mund të mbështeteni.
Gri
Sigurisht që varet nga nuanca, por grija delikate zgjidhet shpesh nga njerëz që duan të kalojnë pa u vënë re, me mungesë besimi.
Ngjyrat metalike
Jo vetëm që u përshtaten personazheve të famshëm, por i shohim edhe në pamjet e përditshme të zyrës, qoftë edhe në një masë të vogël. Ata preferohen nga njerëz dinamikë, të guximshëm që nuk kanë frikë të tërheqin vëmendjen.
E kuqe
Një tjetër zgjedhje e guximshme e ngjyrave, që shpreh sensualitet, pasion, por edhe agresivitet.
Portokalli
Ngjyra e lidhur me ngrohtësinë, entuziazmin, kreativitetin, i përshtatet njerëzve pozitivë, energjikë që kënaqen duke qenë shpirti i festës.
Rozë
Një zgjedhje e pritshme për një femër, e lidhur me feminilitetin dhe romancën. Por kur e shohim të veshur nga një mashkull, ai mund të jetë i pakomplikuar dhe të guxojë të sfidojë stereotipet.
Lejla
Ngjyra e nënshkrimit të familjeve mbretërore shoqërohet edhe me njerëz që kanë një natyrë artistike, krijuese.
E verdha
E lumtur, optimiste, e ndritshme, është streha jonë ideale e ngjyrave kur duam të rrisim produktivitetin, kreativitetin ose të shprehim disponimin tonë të mirë.
E gjelbër
Ngjyra e qetësisë dhe mirësisë tërheq njerëzit karizmatikë, të cilët në të njëjtën kohë janë të interesuar për ndjenjat e të tjerëve.
E bardhë
Ngjyra e bardhë shpreh ekuilibrin, harmoninë, pastërtinë dhe është një zgjedhje ideale për fillime të reja në jetën tonë./ S.M
