Detaje të reja kanë dalë nga ngjarja e rëndë që ndodhi dje në zonën e Myslym Shyrit, ku mbeti i plagosur një i ri. 23-vjeçari, Renato Shaulli u plagos pas një sherri për rrogën e këtij të fundit.
Duke qenë se qeveria vendosi të mbyllë bizneset në këtë kohë karantine, shumë punonjës mbeten pa punë të izoluar në shtëpi. Ndërkohë, Shaulli, duke qenë se punonte në këtë biznes, ishte paraqitur aty për të marrë rrogën, po pronari nuk ia kishte dhënë.
Në debate e sipër ai ka kërkuar me ngul që të ishte mes përfituesve të pagës së luftës, pasi theksonte se i takonte. Pasi janë konfliktuar verbalisht dhe më pas me grushte me njëri-tjetrin, pronari i biznesit, bashke me një person tjetër, kanë goditur me thikë të riun, duke e plagosur, sipas raportimit nga ‘BalkanWeb’.
Shaulli mori plagë në brinjë, ndërsa ndodhet jashtë rrezikut për jetën. Në lidhje me ngjarjen e rëndë u arrestuan dy të rinj, Reis Osmërija, 21 vjeç dhe Alban Gaçi, 27 vjeç.
