Policia e Shtetit ka nisur një operacion të gjerë në kryeqytet, ku po kontrollohen rreth 30 qendra estetike për dyshimin se po mbanin botox kontrabandë.
Ky aksion është drejtuar nga Krimi Ekonomik në Drejtorinë e Përgjithshme të Policisë.
Policia po shqyrton dokumentacionin dhe standardet e sigurisë që këto qendra duhet të përmbushin për të operuar ligjërisht, teksa mësohet se ende nuk ka persona të shoqëruar.
Botoxi kontrabandë i referohet produkteve të botoxit që futen në vend pa ndjekur procedurat e rregullta ligjore, duke anashkaluar doganat dhe kontrollet shëndetësore. Këto produkte mund të jenë të falsifikuara, të cilësisë së dobët ose të rrezikshme për përdorim, pasi nuk kalojnë testet e sigurisë dhe standardet që kërkohen për tregun. S.B
