Mous Lamrabat është një mjeshtër i hibrides, sidomos kur flitet për simbolet e kutlurës marokene dhe besimit islam, teksa ekspozon në cdo foto të tij modën perëndimore me kulturën lindore, në portrete të gëzueshme.
Punët e tij janë pozitive, përcjellin një botë më të mirë, të bashkuar. “Unë nuk mund të ndryshoj mendimet dhe paragjykimet e njerzve, unë mundem vetëm të shfaq brendinë e tyre” tha fotografi.
Lamrabat lindi në një qytezë të vogël në veri të Marokut por u rrit dhe u shkollua në Belgjikë. Ishte një nga 9 fëmijët e familjes së tij, i vetmi që kërkoi të shkollohet në perëndim. Sot ai përcjell përmes fotove, kulturën e traditat e vendit ku u lind. Ai thotë se jeton në “Mousganistan”, në një univers plot ngjyra mes shumë botëve paralele, Marokut, Afrikës, Perëndimit dhe fesë muslimane. Ndihet në shtëpinë e tij kudo ku shkon.
Vitin e shkuar për fotografitë e tij pati një interes të jashtëzakonshëm pas ekspozitave të realizuara në Abu Dabi, Paris, Lagos dhe Amsterdam. Ja disa prej punimeve të tij më të vecanta e më të vlerësuara nga publiku dhe kritikët./Burimi: CNN
