Me presidentin në qelitë e burgut 313, sulmin dhe kërcënimet ndaj kreut të SPAK, Altin Dumani, një nga tre prokurorët që po hetojnë Ilir Metën i arrestuar prej 21 tetorit 2024, e vijon sekretari i përgjithshëm i kësaj partie, Tedi Blushi.
Me të njëjtin gjuhë të ashpër, të turpshme, fjalor ofendues që Ilir Meta përdori ditën e djeshme në seancën për vlerësimin e masës së sigurisë në GJKKO doli sot në një konferencë për median Tedi Blushi.
“Në sallën e gjyqit politik Meta e ka çmontuar nga brinjët dum dumanin dhe akuzën politike të ngritur ndaj tij, duke detyruar dhe këtë qen sulmi dhe vrasës me pagesë të Edi Ramës kundër opozitës të braktiste sallën e gjyqit. Është i arrestuar politik. Vetëm për shkak të qëndrimeve të tij shumë të drejta e të qarta, institucionale politike“
Arrestimin e Metës e quan ‘politik’ dhe thotë se është bazuar mbi “Akuzë false e montuar dhe e stisur’ ndërsa akuzon Dumanin se po vepron në koordinim me Ramën.“Meta, është i arrestuar politik. Vetëm për shkak të qëndrimeve të tij shumë të drejta e të qarta. institucionale politike. Zari i tij në krye të SPAK terroristi Altin Dumani nuk guxon t’ia përmende emrin Edi Ramës, lë ta marrë në pyetje. Dosje e sajuar dhe totalisht farse”
Sulmoi dhe gjyqtarin e GJKKO-së Erjon Çela që I la në ‘arrest me burg’ kryetarin e tij
“Vendim politik i kamikazëve të Ramës është qartësisht diktuar nga mafia dhe urdhëruar personalisht nga Edi Rama” tha Blushi
A është I sigurtë se Meta nuk ka konsumuar veprat penale
“Asnjë fije floku nuk e ndotin dot Ilir Metën me akuzat e montuara nga Edi Rama. Zero. Dini që Ilir Meta ka pasur ndonjëherë 70 deputetë për periudhën të cilën flitet, por do ti bëjë shumë shpjet 70 deputetë. Zero lidhje akuzë re montuar politike, nuk ka asnjë provë që e implikon atë personalisht”tha Blushi
Efdhe gjuha e kërcënimit është e njëjtë.
“Fundi i Altin Dumanit do të jetë më i zi se i Katicës në Maqedoni. Maqedonasit e hodhën në Vardar. Më të zi do ta kenë fundin” tha Blushi.
Ai i referohet historisë së ish-kryeprokurores speciale e Maqedonisë së Veriut, Katica Janeva dënuar në 2020 me 7 vjet burgim, lidhur me akuzat për përfshirje në rastin e njohur “Reketi”, të marrjes ryshfet të 1.5 milion euro nga një biznesmen për t’i mundësuar atij lehtësira në një proces gjyqësor që po zhvillohej kundër tij./e.t
