Fermerët në të gjithë vendin kanë afat deri në datën 9 nëntor që të aplikojnë për të përfituar nga skema kombëtare bujqësisë. Zv.kryeministrja, Belinda Balluku e shoqëruar nga ministrja e Bujqësisë, Anila Denaj prezantuan nismën në Lushnje. Zv.kryeministrja i kërkoi kryebashkiakëve që të ndihmojnë fermerët në kohë reale me dokumentat që i duhen për të aplikuar.
Ministrja e Bujqësisë, Anila Denaj theksoi se sfidë mbetet që eksportet bujqësore të arrijnë në 1 mld dollarë deri në vitin 2030.
Në dispozicion nga buxheti i shtetit janë vendosur 5 milion euro të cilat do të mbështesin investime në sera, rrjeta antibreshër, mekanikë e akuakulturë./e.t
