Motra e Demi Lovato humbi fëmijën e saj gjatë lindjes. Lajmin tronditës Madison De La Garcia e ka ndarë me miqtë e saj online në Instagram. Në veçanti, ajo zbuloi se fëmija i saj i parë me Ryan Mitchell vdiq gjatë lindjes, menjëherë pasi gruaja iu nënshtrua një operacioni cezarian.
“Në pasditen e 27 shtatorit, pas një ndërhyrjeje urgjente, Ryan dhe unë mbajtëm vajzën tonë për herë të parë dhe të fundit. Faleminderit Xiomara, që na bëre prindër të engjëllit më të përsosur në parajsë. Mami dhe babi të duan vajza ime e ëmbël”, ka shkruar motra e Demi Lovato në postimin e saj.
Këngëtarja ka lënë një mesazh mbështetës nën postimin e së motrës, ku i shpreh dashurinë.
“Të dua shumë Xiomara. Një engjëll në çdo kuptim të fjalës. Unë do të jem tezja jote përgjithmonë”, shkruan Demi Lovato.
Në rrëfimet e saj në Instagram, ylli shkroi gjithashtu: “U prehsh në paqe mbesa ime e përsosur, Xiomara. Unë jam shumë mirënjohëse që të mbajta në krah. Do të jem përgjithmonë tezja jote. Më pas ajo etiketoi motrën e saj dhe shtoi: “Të dua shumë”. S.B
