Vetëm dy deputetë të Partisë Socialiste nuk iu bindën vendimit të Grupit Parlamentar për të votuar kontrantën koncesionare në Porto Romano. Ditmir Bushati nuk mori pjesë në votim, ndërsa Beqaj abstenoi.
Gjithsesi, kontrata u miratua në Parlament me 83 vota pro, 14 kundër dhe 4 abstenim.
Bushati mbajti sot një qëndrim të ashpër kundër këtij koncesionit, duke e konsideruar vetëm në favor të oligarkëve dhe kundër interesit publik. Ai kërkoi nga partia e tij që të shkëputet nga oligarkët dhe të kthehet tek interesi i qytetarëve.
Kontratën e ka kundërtshtuar edhe Partia Demokratike.
