Krijohet testi që zbulon Covid-19 para se të bëhet i transmetueshëm

113 563 lexime

124,178FansaPëlqeje

Shkencëtarët që punojnë për ushtrinë amerikane kanë hartuar një test të ri COVID-19, që mund të identifikojë potencialisht ata që e kanë virusin, para se të bëhen infektivë dhe të përhapin sëmundjen.

Në atë që mund të jetë një përparim i rëndësishëm, koordinatorët e projektit shpresojnë që testi i bazuar në gjak do të jetë në gjendje të zbulojë praninë e virusit sa më shpejt, brenda harkut kohorë të 24 orëve pas infeksionit.

Kjo do të ndodh përpara se njerëzit të shfaqin simptoma dhe disa ditë para se një transportues të konsiderohet i aftë për ta përhapur atë në të tjerë njerëz. Ky test vepron rreth katër ditë para se testet aktuale mund të zbulojnë virusin, shkruan The Guardian.

Testi ka dalë nga një projekt i krijuar nga Agjencia e Projekteve të Kërkimit të Avancuar të Mbrojtjes së Ushtrisë amerikane (Darpa), që synon diagnostikimin e shpejtë të helmimeve nga mikrobet ose viruset, apo kimikate. Testi i ri pritet të paraqitet për miratimin e përdorimit të urgjencës (EUA) nga Administrata e Ushqimit dhe Barnave e SHBA (FDA) brenda një jave, transmeton Telegrafi.

“Koncepti mbush një hendek diagnostikues në të gjithë botën”, i tha Guardian kreu i zyrës së teknologjive biologjike të Darpa, Dr Brad Ringeisen.

Ndërsa zbulimi para-infektiv do të përmirësonte efikasitetin e programeve të provës, Darpa paralajmëroi se duhet të presë derisa të jepet miratimi i FDA-së.

“Qëllimi i hulumtimit është të zhvillojë dhe vërtetojë një test të hershëm diagnostikues të përgjigjes së gjakut për Covid,” tha Prof. Stuart Sealfon, i cili udhëheq ekipin hulumtues në spitalin Mount Sinai në New York.

Nëse EUA jepet, testi duhet të fillojë të shpërndahet në SHBA në gjysmën e dytë të majit.

Të fundit

Pas moshës 40 pse është më e vështirë rënia në peshë dhe çfarë duhet të bëni

Pas të dyzetave, njeriu e ka më të vështirë për të humbur në peshë, pavarësisht përpjekjeve për t’u ushqyer...

Ahmet Kalaja për Vserlon: Inshallah nuk na del dhe Gjesti si ai!

Deklarata e Ahmet Kalasë për një prej banorëve të Big Brother VIP 4 ma marrë vëmendjen e rrjetit. Kalaja ka folur për Vserlo, duke kundërshtuar...

“Më kapi paniku”/ Arrestimi i Veliajt, agjenti imobiliar: 3 ditë nuk po na binte telefoni

Agjenti imobilar Armand Shkëmbi foli në lidhje me ndërtimtaritë ne qytetin e Tiranës dhe tregun imobiliar. Shkëmbi tha se tregu imobiliar është i paparashikueshëm dhe...

“Të ha të gjallë, o gazetare e dështuar”/ Agravon sherri mes Rozana Radit dhe Gertës!

Gerta ka patur debate të ashpra ditën e sotme në shtëpinë e “Big Brother VIP 4” me disa prej banorëve. Ditën e nisi duke...

Ambasada e SHBA sinjalizon ndryshime, politika e Trump po zbatohet

Kur janë bërë një muaj që kur Donald Trump mori drejtimin e SHBA-ve, ambasada amerikane në vendin tonë ka bërë një reagim duke thënë...

Lajme të tjera

Web TV