Një ngjarje e rëndë është regjistruar pasditen e sotme në Prishtinë. Një 26-vjeçar i karantinuar në njërin prej konvikteve në Prishtinë ku mbahen personat e karantinuar të kthyer nga jashtë, dyshohet se është hedhur nga kati i pestë i ndërtesës.
Zëdhënësi i Policisë, Daut Hoxha tha se rreth orës 17:20, ekipet e emergjencës dhe Policia kanë shkuar te Qendra e Studenteve pasi morën raportimin për ngjarjen.
Njësitet e policisë kanë nisur hetimet për të zbardhur shkaqet e kësaj ngjarjeje të rëndë.
