Në një intervistë televizive, eksperti rrugor Gëzim Hoxha ka folur për disa aspekte që ndikojnë në përmirësimin e situatës së trafikut dhe sigurisë rrugore në Shqipëri.
Ai ka theksuar se një ndër mënyrat për të përmirësuar situatën është orientimi i buxhetit në kahun e duhur, duke u fokusuar më shumë në krijimin e infrastrukturës që mund të lehtësojë lëvizjen e qytetarëve. Hoxha ka kritikuar faktin se shumë fonde që paguhen për ndihmën e rrugëve shpesh përdoren për parkingje, të cilat bllokojnë një krah të qytetit, duke krijuar kështu probleme të tjera të trafikut.
Ai ka theksuar gjithashtu se një faktor shumë i rëndësishëm është edukimi i shoferëve, këmbësorëve dhe atyre që përdorin biçikleta dhe skuterë. Sipas tij, shumë njerëz janë të padisiplinuar dhe nuk respektojnë rregullat e trafikut. Hoxha ka përmendur si një problem të madh faktin që shumë këmbësorë kalojnë jashtë vijave të kalimit dhe se kjo është një papërgjegjshmëri nga ata që vendosin vija kalimi për këmbësorët. Ai ka shtuar se këmbësorët duhet të kalojnë vetëm në vendet e kalimit të këmbësorëve ku ka semafor dhe se kjo është më e pranueshme për sigurinë e të gjithëve.
Një tjetër problem që Hoxha ka identifikuar është shkelja e kodit rrugor nga motorat, biçikletat dhe skuterët, të cilët shpesh dalin në rrugë të një sensi dhe nuk zbatojnë rregullat e qarkullimit. Këta përdorues të rrugës janë të padisiplinaur dhe shpesh herë nuk kapen nga ligji. Ai ka krahasuar shpejtësinë mesatare të lëvizjes në qytet në Shqipëri, që është shumë më e ulët se në qytetet e tjera të botës, ku shpejtësia mesatare arrin deri në 25 km/orë, ndërsa në Shqipëri është vetëm 3 km/orë.
Në lidhje me masat që mund të merren për disiplinimin e trafikut, Hoxha ka theksuar se shtimi i policisë rrugore dhe mbikëqyrja me 12 orë nuk është një zgjidhje efektive. Sipas tij, problemi qëndron në faktin që gjobat janë shumë të lira dhe shpesh shoferët nuk i respektojnë. Ai ka thënë se duhet të rriten gjobat dhe të bëhen më të shtrenjta, pasi 70% e drejtuesve të mjeteve janë problematikë. Sipas tij, policia nuk mund të jetë në çdo moment në çdo makinë dhe se qytetarët duhet të disiplinohen duke zbatuar rregullat e rrugës pa pasur nevojë për mbikëqyrje të vazhdueshme.
Një shqetësim tjetër që Hoxha ka ngritur janë firmat e ndërtimit, të cilat shpeshherë devijojnë trafikun dhe vendosin blloqe betoni që mund të rrezikojnë jetën e drejtuesve të mjeteve. Ai ka përmendur si shembuj punimet në Unazën e Vogël, ku firma që po kryen punimet ka zaptuar rrugën dhe ka vendosur blloqe që pengojnë kalimin normal të automjeteve. Hoxha ka sugjeruar që firmat e ndërtimit të përdorin materiale më të sigurta, si bidonët plastikë të mbushur me ujë, në vend të blloqeve të betonit që mund të shkaktojnë aksidente fatale./ S,M
