Ylli i skuadrës së Juventusit, Cristiano Ronaldo është rikthyer në Itali pas afro 2 muajsh, pasi ishte larguar që në 9 mars prej aty.
Portugezi ka zbarkuar në Torino me avionin e tij privat të hënën në mbrëmje rreth orës 22:22, ndërsa ishte nisur nga Madridi. Së bashku me futbollistin në avion ishin dhe familja e tij, partnerja Georgina Rodriguez dhe 4 fëmijët e tij.
Megjithatë ajo që ka tërhequr vëmendjen e të gjithëve është se që nga momenti i zbarkimit në aeroport e deri sa ka mbërritur në vilën e tij, sulmuesi është shoqëruar me forca të shumta policie. Ronaldos do t’i duhet të që të qëndrojë në karantinë për plot 14 ditë, që të mund të bashkohet më 18 maj në stërvitje me skuadrën.
Deri në këto momente në qendrën mjekësore të Juventusit një pjesë e lojtarëve të “Zonjës së Vjetër” i janë nënshtruar teste për koronavirus. Ndërsa të parët që u testuan ishin Bernardeschi, Cuadrado, Pinsoglio, Bonucci e Ramsey.
Në vijim do t’ nënshtrohen këtij testi të gjithë lojtarët, ndërsa futbollistët që e kanë kaluar këtë procedurë, ata që kanë qenë në Torino, kanë rinisur këtë të martën stërvitjet individuale, i pari që i paraqit ishte Aron Ramsey./Fjala.al/
