Gjigandi i teknologjisë Apple nuk mund të shesë ende iPhone 16 në Indonezi, pavarësisht arritjes së një marrëveshjeje për ndërtimin e një fabrike prodhimi atje.
Sipas ministrit të industrisë, ky ndalim për Apple vjen pasi kompania nuk ka përmbushur rregullat për përmbajtjen vendase.
Vitin e kaluar, Indonezia ndaloi shitjet e iPhone 16 pasi Apple nuk e plotësoi kërkesën që smartfonët që shiten brenda vendit të përmbajnë të paktën 35% pjesë të prodhuara brenda vendit.
Apple ka ofruar që nga ajo kohë një investim prej 1 miliard dollarësh në vend, që përfshin ndërtimin e një fabrike për prodhimin e pajisjes AirTag. Ky propozim është një rritje e konsiderueshme krahasuar me ofertat e mëparshme të Apple prej 10 milionë dollarësh dhe 100 milionë dollarësh, të cilat ishin refuzuar nga qeveria.
Ministri Agus Gumiwang Kartasasmita tha se Apple kishte arritur një marrëveshje për të ndërtuar një fabrikë që do të prodhonte pajisjen Airtag për ndjekje në ishullin Batam të Indonezisë, afër Singaporit, por kjo nuk do të konsiderohej si një pjesë e prodhuar në vend për iPhone. / kb
