Në një konferencë për shtyp, kryetari i Partisë Demokratike, Sali Berisha zbuloi më shumë rreth vizitës që do të zhvillojë në Gjermani.
“Jam i ftuar për të marrë pjesë si kryetar i partie në kongresin elektoral të CDU-së. Ky kongres është njëditor ose më pak mund të jetë. Janë të ftuar kryetarë të partive anëtarë të Partive Popullore. Mendova të organizoj takim tjetër me shqiptarë, por koha nuk më premton kështu që do shkoj herë tjetër për të takuar emigrantët në Gjermani”, tha Berisha.
Ai pohoi se në të ardhmen ka një axhendë për t’u takuar me diasporën.
“Do i njoftoj takimet. Kam një axhendë për të takuar”, tha Berisha.
Kujtojmë se Berisha pritet ta zhvillojë vizitën në Gjermani më 3 Shkurt. Në të njëjtën ditë do duhej të paraqitej para OPGJ-së së SPAK-ut, por Prokuroria e Posaçme i miratoi kërkesën për të mos u paraqitur për shkak të udhëtimit në Gjermani./kb
