ot në orën 19:00 para Kryeministrisë do të zhvillohet një protestë e thirrur nga kreu i Partisë Demokratike, Sali Berisha, pas vendimit të qeverisë për mbylljen e rrjetit social TikTok.
Berisha e ka cilësuar këtë veprim si një akt censure dhe shtypje të fjalës së lirë, duke pretenduar se vendimi erdhi për shkak të kritikave që kryeministri Edi Rama merr në këtë platformë.
Kreu i PD-së i ka bërë thirrje të rinjve dhe studentëve që të lënë çdo gjë dhe të marrin pjesë në protestën “anticensurë”. Ai u zotua se më 12 maj, TikTok do të rikthehet në telefonat e qytetarëve dhe se kryeministri do të ndëshkohet për këtë veprim antikushtetues.
“Fjala do të jetë e juaja. Do të jeni ju kalorësit dhe mbrojtësit e fjalës së lirë,” u shpreh Berisha./kb
