Për të shmangur polemikat e shumta midis klubeve, skuadrave dhe vetë lojtarëve në fushën e lojës sa i përket rasteve të dyshimta për gol, apo ndërhyrjeve të rrezikshme FIFA në bashkëpunim me UEFA-n vendosën sistemin VAR.
Sistemi VAR bën të mundur që gjyqtari të shohë në ekranet e vendosura në krah të fushës dhe të gjykojë në mënyrë të drejtë.
Megjithatë, ky sistem ka ngjallur reagime të shumta për mosfunksionimin e tij si duhet, aq sa është shndërruar edhe në objekt talljeje.
Në një video të publikuar nga the.football.corner në Instagram, disa ‘futbollistë’ të vegjël ironizojnë mënyrën se si funksion sistemi VAR në Premier League.
