Kryeministri Edi Rama, gjatë takimit me kandidatët në qarkun e Elbasanit, tha se PS është një shtëpi e hapur edhe për figurat e PD. Ai nënkuptoi se edhe Dash Sula mund t’i bashkohet partisë, por së pari, siç u shpreh kryeministri, duhet që të “desinfektohet” nga këneta ku ishte.
“Këtu kemi edhe të kuq fare, rozë, pak më bojëqiell. PS është shtëpi e hapur, dhe jo ku duhet të japësh provim para se të hysh. Këtu kemi edhe të kuq fare, rozë, pak më bojëqiell. Duhet të jemi të hapur edhe për blunë. Rëndësi ka që njerëzit të kenë dritë në sy për Shqipërinë. Kjo është partia jonë, e mbajmë derën mbyllë nëpër territore por sot jemi këtu për t’ju thënë këtu mirësevini përvec salamandrave dhe kukumjaçkave të kënetës nuk kanë vend. Kurse Dash Sula duhet të hyjë në një proces, sepse mund të jetë ndonjë ditë edhe ai. Por për momentin duhet të desinfektohet. Inat mund ta kesh sa të duash, por hakun duhet t’ia japësh. Po duhet të heqë morrat e kënetës. Aty të mbyt morri, është tmerr. Kështu që më tha njeri nga ata. Çe kanë këtë punë që nuk rrinë dot pa dalë në protestë. Kruhen, i mbyt morri. Edhe bufi rri mbi kokë.”, u shpreh Rama,
Kujtojmë që Sula iu bashkua koalicionit “Nisma Shqipëria bëhet” pasi u la jashtë listave të PD. Ai u tërhoq gjithashtu nga ky koalicion pak para dorëzimit të listave të kandidatëve për deputetë në KQZ.
Përfaqësuesi i koalicionit dhe bashkëkryetar i ‘Nismës Thurje’, Pano Soko tha se nuk u gjet dakordësia për çështje teknike, ndonëse ishin diskutuar më herët. /E.T
