Gjatë 24 orëve të fundit në Maqedoninë e Veriut janë konfirmuar pozitivë me koronavirus 22 raste të reja. 13 prej tyre janë regjistruar në Shkup, 7 në Tetovë dhe 2 në Prilep.
Numri i përgjithshëm i të infektuarve në vend ka shkuar në 1.664, nga të cilët 1.200 janë shëruar, 91 kanë humbur jetën dhe 373 vazhdojnë të jenë aktivë.
Komisioni i sëmundjeve Infektive në Maqedoninë e Veriut ka diskutuar gjendjen pas rritjes së numrit të të infektuarve në tre ditët e fundit dhe më këtë rast ka bërë të ditur se “lehtësimi i masave duhet të bëhet në mënyrë graduale, pasi përvoja e vendeve që kanë lehtësuar masat tregon për rritje të numrit të pacientëve të rinj”.
