Tre kultivues shqiptar janë arrestuar pasi policia gjeti një fermë në madhësinë e një fushe futbolli me lëndë narkotik, vlera e së cilës arrin deri në 820 mijë paund. Ferma e kanabisit u pikas rastësisht nga një oficer policie i cili ndjeu erën e lëndës narkotike gjatë patrullimit.
Martin Jobling ishte duke patrulluar gjatë Shën Valentinit në Gateshead, kur ai vuri re një erë të fortë kanabisi që vinte nga ‘Team Valley Trading Estate’.
Ai kontaktoi me eprorin e tij, Warren Sturrock dhe së bashku ata hynë në ambient, ku dhe gjetën tre shqiptarët, Fatbardh Selimi, 42 vjeç, Fatlum Alija, 27 vjeç dhe Agim Isufi, 19 vjeç.
Besohet se kultivuesit e kanabisit kishin jetuar në magazinën ku ishte vendosur ferma.
Policia e Northumbria çmontoi fermën e kanabisit që përmbante gati 2,000 bimë plotësisht të pjekura me vlerë 820,000 £.
Kryeinspektori Jamie Pitt, tha: ‘Konfiskimi i kësaj ferme kanabisi ka shkaktuar përçarje të konsiderueshme dhe humbje financiare për atë që ishte qartë puna e një grupi të krimit të organizuar dhe kjo është për shkak të punës së palodhur dhe profesionalizmit të ekipit policor të lagjes.”
Selimi, Alija dhe Isufi u paraqitën në “Newcastle Crown Court” të mërkurën dhe u burgosën pasi pranuan akuzën për prodhimin e lëndëve narkotike të klasit B./Burmi: Daily Mail
