Rrjetet sociale kanë kohë që janë kthyer në pjesë të pandashme të jetës sonë, por sidomos për brezin e ri ato janë më shumë se thjesht platforma, janë hapësira për të shprehur identitetin, për të ndërtuar influencë dhe për të ndjekur çdo trend të ri. Por pyetja që shtrohet sot është: Kush po mbizotëron mes tyre:TikTok apo Instagram?
TikTok: Shpejtësi, spontanitet dhe trendet që digjen në sekonda.
Çfarë tërheq të rinjtë?
• Mundësia për të shpërthyer brenda natës me një video virale
• Algoritmi i fuqishëm që u jep përparësi krijuesve të rinj
• Liria për të qenë “real” dhe jo përherë i kuruar
Instagram: Elegancë, estetikë dhe brand personal
Nga ana tjetër, Instagram mbetet platforma ku ‘pamja’ ka ende rëndësi. Edhe pse po përpiqet të përshtatet me trendet e TikTok-ut përmes Reels, ai është ende vendi ku influencuesit ndërtojnë një identitet të kuruar dhe bashkëpunojnë me marka.
Çfarë ofron ndryshe Instagram?
• Estetikë dhe kontroll më i madh mbi përmbajtjen
• Historik më i gjatë dhe komunitet më i qëndrueshëm
• Platformë më e favorshme për biznes dhe influencë afatgjatë
Cili dominon në Shqipëri?
Të rinjtë shqiptarë duket se po zhvendosin vëmendjen te TikTok, sidomos për përmbajtje të përditshme, humor dhe trendet më të fundit. Megjithatë, Instagram nuk ka rënë nga loja, përkundrazi, është ende shumë i fortë kur bëhet fjalë për imazh, bashkëpunime komerciale dhe ndërtim brandi./kb
