Ish-ministri i Drejtësisë, Ylli Manjani është revoltuar me një lajm të publikuar nga Top Channel për shembjen e godinës së Teatrit Kombëtar.
“Tallash, kartona dhe kompesata, ja me çfarë ishte ndërtuar Teatri Kombëtar”, është ky titull që Top Channel i ka vendosur lajmit ku justifikohet shembja e godinës. Por Manjani e konsideron këtë publikim si cinizëm të tepruar të propagandës.
Manjani shpreh zhgënjimin për mënyrën se si është katandisur ky television, për të cilin thotë se dikur ka qenë ikonë e medias.
“Ky është një cinizëm i tepruar i propagandës së djeshme. Në kulmin e dhunës barbare të pushtetit, ku njerëzit shembeshin përtokë përdhunisht nga barkderrët e egër të veshur me uniformë, ky Tv ka dhënë këtë lajm! Jo kompensata as tallash, por opium e hashash. Teatri i hashashit është moda tani… Zhgënjim i madh si u katandis ky Televizion, dikur ikonë e medias”, shprehet Ylli Manjani.
