Futbolli italian do të rinisë, dhe kjo shoqëruar me numrin e ulët të viktimave, më të ulëtin e javëve të fundit, prite të rikthejë disi normalitetin të paktën në sport. Komiteti tekniko shkencor në Itali, CTS aprovoi stërvitjet në grup që ishin parashikuar në protokollin e FIGC. Kjo u konfirmua nga ministri Spadafora në Rai 2 në programin e TG Sport.
“Një lajm i shkëlqyer pasi tani stërvitja në grup me lojtarët e ekipeve mund të rifillojë. Vlerësimet janë bërë me kohë dhe FIGC ka qenë e disponueshme për të rishikuar pozicionin e saj. vetëizolimi i famshëm, do të aplikohet në rast se ka ndonjë pozitiv” tha ministri i Sporteve.
Pra, në rast të një personi të infektuar, çfarë ndodh? Pozitivi shkon në karantinë dhe të tjerët mund të vazhdojnë të punojnë, por kontrollohen rreptësisht nga stafi. (fjala.al) E drejtë që futbolli të ketë mundësinë e rikuperimit të sigurt dhe pa i ndikuar nga nevojat spitalore, mungesa e tamponëve, transferimet apo dhe problemet e ndara në zona, me Lombardinë si më problematike.
Ditën e enjte, në 28 maj palët do të mbldhen për të vendosur një datë të caktuar për rinisjen. “Zgjedhja e Francës do të ishte më e lehtë për të mbyllur gjithçka. Unë nuk doja ta bëja atë” tha ministri Spadafora. Protokolli i ri autorizon seanca në grup dhe nuk do t’i detyrojë më lojtarët të qëndrojnë përgjithmonë në qendrën sportive.
Ata do të jenë në gjendje të flenë në shtëpitë e tyre me familjet përveç rasteve nëse një pozitiv gjendet në ekip. Në atë pikë, grupi do të vazhdojë të stërvitet i izoluar për të shmangur infektimet. Pastaj kontrollet do shtohen dhe do ketë tamponë tre ditë para fillimit të stërvitjeve të përbashkëta, ditën e fillimit dhe një herë në katër ditë. Testet sierologjike në ditën e fillimit dhe pas dy javësh.fjala.al
