Lidhja Demokratike e Kosovës ka ka thirrur organet e partisë ku do të diskutojë rreth koalicionit me Vetëvendosjen. Këta të fundit thonë se do të përpiqen të arrijnë një marrëveshje me Lidhjen Demokratike të Kosovës.
Thirrjet e vazhdueshme të Presidentit, e bindën Kurtin që të shkojë në takim, veçse e në një datë të caktuar nga vetë ai.
Presidenti e ka pranuar këtë datë duke i caktuar kështu edhe orën se kur e pret në zyrë.
Mirëpo, Albin Kurti ende nuk ka një marrëveshje finale me LDK-në si të vetmin opsion për krijimin e qeverisë.
VV dhe Albin Kurti që dolën të parat në zgjedhjet e 6 tetorit, me LDK e Isa Mustafës nuk po mund të merren vesh jo për parime, por për postet që do t’i ndajnë bashkë.
E LDK agjendën e ditës së 6 janarit e ka përcaktuar qysh nga kjo e enjte.
Isa Mustafa në orët e para të mëngjesi të së hënës do të mbledhë kryesinë e tek pas drekës do të thërras edhe grupin parlamentar.
Kjo u bë e ditur nga zyra për informim e LDK.
Ndërkohë, nga VV shpresojnë që më 6 janar të kenë një marrëveshje.
Zhvillimet në drejtim të arritjes së marrëveshjes LVV – LDK, vijnë pas presionit të shtuar nga ndërkombëtarët.
Një ditë para festës së vitit të ri, ambasadori amerikan në Prishtinë, Philip Kosnett ka takuar dy krerët e partive që pretendojnë të krijojnë institucionet e reja.
Ai ka kërkuar nga të dyja palët që të arrijnë sa më shpejtë marrëveshjen.
