Në avionin e rrëzuar ditën e djeshme në një lagje banimi në Karaçi të Pakistanit, mbetën të vdekur 97 persona dhe u lënduan shumë të tjerë.
Dy burra i mbijetuan përplasjes shkatërruese – Presidenti i Bankës së Punjabit, Zafar Masud, i cili ishte ulur në sediljen 1C, dhe u filmua teksa u nxorrë i gjallë nga rrënojat.
I mbijetuari i dytë, inxhinieri Mohammad Zubair, 24 vjeç, i cili ishte ulur në sediljen 10C.
‘Pasi u goditëm rifitova vetëdijen, pashë zjarr kudo dhe askush nuk dukej, ‘tha Zubair.
Lista e pasagjerëve nga ‘PIA Airbus A320’ tregon se Masud ishte ulur në pjesën e përparme të aeroplanit dhe Zubair ishte pas shpinës, 10 vende mbrapa.
Masud pësoi thyerje por ishte ‘i vetëdijshëm dhe i ndërgjegjshëm.
I mbijetuari tjetër, inxhinieri Zubair, i tha Geo News se ndërsa piloti tentonte të ulej, e preku pistën, por u ngrit përsëri, shkruan Daily Mail.
Pas rreth 10 minutash të tjera të fluturimit, piloti njoftoi pasagjerët se ai do të bënte një përpjekje të dytë, pastaj u rrëzua kur iu afrua pistës, tha Zubair nga shtrati i tij në Spitalin Civil Karaçi.
“Gjithçka që pashë përreth ishte tym dhe zjarr,” shtoi ai. ‘Mund të dëgjoja britma nga të gjitha drejtimet. Fëmijët dhe të rriturit. Nuk mund të shihja asnjë person, por mund të dëgjoja britmat e tyre.’
97 pasagjerët dhe pjesa tjetër e ekuipazhit besohet se kanë vdekur.
‘Shume faleminderit. Zoti ka qenë i mëshirshëm, ‘tha Z. Masood, bankieri që ishte në vendin 1C./Përshtati për Fjala.al/ R.G
