Boris Johnson nuk e ka shkarkuar këshilltarin e tij edhe pas skandalit të ngritur në media ku politikanë dhe qytatare e kanë akuzuar atë për mosrespektimin e masave izoluese.
Fjala është për Dominic Cummings i cili akuzohet se ka thyer disa herë masat izoluese.
Kjo ka shkaktuar një reagim të ashpër nga qytetarë dhe politikanë të cilët e kërkuan dhe shkarkimin e tij.
Sipas asaj që raportojnë mediat britanike, Cummings ka vizituar disa herë familjen e tij në Angli pavarësisht se disa pjesëtarë kanë pasur simptoma të koronavirusi.
Gjatë një konference për shtyp ditën e sotme, Johnson refuzoi që ta shkarkojë nga detyra këshilltarin e tij.
Kryeministri e justifikoi me faktin se ai ka vepruar në bazë të instikteve prindërore.
Gjatë konferencës për shtyp Johnson nuk u përgjigj disa prej pyetjeve të gazetarëve të cilët kërkonin të dinin nëse ai i ka thyer rregullat edhe gjatë muajve prill dhe mars.
Menjëherë pas deklaratës së tij ka ardhur dhe reagimi i parë nga kreu i Partisë së Punës, Keir Starmer.
Mungesën e masave administrative ndaj Cummings, ai e konsideron fyerje ndaj përpjekjeve të qytetarëve për të respektuar masat izoluese.
Burimi: https://www.dailymail.co.uk/news/article-8352587/Boris-Johnson-REFUSES-sack-Dominic-Cummings-amid-rising-fury-lockdown-breaches.html
/Fjala/k.b
