Pamjet e marra nga kamerat e sigurisë së një hoteli në Rumani tregojnë momentin e tmerrshëm kur një grua italiane hedh fëmijën e saj në tokë pas një zënke me të dashurin.
Foshnja e vogël për shkak të plagëve të marra ka përfunduar në kujdesin intensive.
Nëna, për të cilën nuk bëhet me dije emri, po qëndron në hotel pasi ngeci në Rumani për shkak të bllokimit të Covid-19.
Momenti i incidentit është filmuar nga kamera e sigurisë së hotelit, ku nëna ishte akomoduar gjatë pandemisë.
Sipas mediave vendase, gruaja kishte mbërritur në Timisoara pak kohë më parë për të vizituar të dashurin e saj 38-vjeç, rumun, babanë e foshnjës, shkruan Daily Mail.
Babai i foshnjës i ka vizituar shpesh ata, por raportohet se çifti ka debatuar para incidentit.
Foshnja u kontrollua nga një neurokirurg për tu siguruar që nuk kishte pësuar dëmtime serioze në kokë dhe shpinë dhe ishte diagnostikuar me dëmtime traumatike të trurit.
Foshnja ndërkohë vazhdon të kurohet në spitalin Louis Turcanu dhe babi i tij i qëndron afër. Ndërkohë nëna 21-vjeçare italiane e cila ka një fëmijë tre vjeç raportohet se ndodhet në paraburgim, ndërsa hetimi vazhdon./Fjala.al/R.G
