Askush nuk e kishte menduar që në një “klasike” në futbollin gjerman, ulërimat e pankinave do të dëgjoheshin në stadium më shumë se tifozët, por me mungesën e këtyre të fundit, edhe “Der Klassiker” nuk ishte normale. Bayern Munich fitoi në fushën e Borussia Dortmund 0-1, një rezultat që e afron me titullin kampion.
Ndeshja u vendos nga një gol i Joshua Kimich në pjesën e parë. Mesfushori teknik i kombëtares gjermane mori topin në hyrje të zonës dhe me një sy te portieri Roman Burki, arriti ta dërgojë mrekullisht në rrjetë me një harkim, duke befasuar mbrojtësin ekstrem të Borussia Dortmund. Kingsley Coman ishte autor i asistit të 0:1.
Me këtë sukses Bayern Munich i trajnerit Hansi Flick avancon më tej në suksesin e titullit të Bundesliga, “Meisterchale që tani duket më pranë, falë 7 pikëve avantazh ndaj Borussia Dotmund. (fjala.al)Disfata minimale brenda mureve të shtëpisë mund t’i kushtojë Borussias të gjithë sezonin pasi në 6 ndeshjet e mbetura, fati nuk është më në duart e verdhezinjve që duhet madje të kenë kujdes nga Leipzig që është mes ekipeve pretendente për titullin, dhe një surprizë e vërtetë nën ritmin e golave të Timo Werner. Fjala.al
