Një deklaratë historianit Paskal Milo e bërë në vitin 2018-të për etninë sllave të nënës së Skënderbeut, u rikthye së fundmi në mediat shqiptare duke u bërë ‘virale’. Këngëtarja Besa Kokëdhima ka reaguar ashpër duke akuzuar Milon se po përpiqet të tjetërsojë figurën kombëtare të shqiptarëve.
“Turp t’ju vijë! Kombet e tjera pervetësojnë çdo ditë elementë e figura të cilat as nuk i kanë të tyret, për të pasuruar e legjitimuar pretendimet dhe interesat e tyre, ndërsa një ish-ministër i jashtëm Shqiptar, përpiqet që edhe një figurë që kombi jonë ka që e njeh dhe na e ka njohur gjithë bota ta tjetërsojë!
Doni ta lini këtë popull të zhveshur si fizikisht ashtu edhe shpirtërisht, pa histori, pa krenari pa identitet!Turpi ju mbuloftë! Deklarime të tilla nuk meritojnë asnjë rresht, minutë apo kohë mediatike! TURP”, shkruan Kokëdhima.
