Përdoruesit e kanabisit në Evropë janë kthyer drejt ‘websaitit’ ku shiten produkte të paligjshme, ‘darkweb’, për të siguruar kanabis gjatë mbylljes nga pandemia.
Tregu i paligjshëm i kanabisit në internet u rrit ndjeshëm në mars kur shumica e vendeve të BE-së, përfshirë Irlandën, futën një formë të kufizimeve të lëvizjes për të frenuar përhapjen e koronavirusit.
Në anën tjetër, ka më pak kërkesë për dërgesa të mëdha kanabisi të destinuara për rishitje, besohet se kjo ndodhi për shkak se tregtarët nuk kishin mundësinë ta zhvendosin pasi shumë rrugë ishin të bllokuara.
Raportet vijnë nga Qendra Evropiane e Monitorimit për Lëndë Narkotike dhe Varësi të Drogës (EMCDDA), e cila studion tendencat e çmimeve në tre tregjet më aktive që shesin drogë në BE.
Midis muajit janar, kur pandemia nuk kishte ndikuar ndjeshëm në BE, dhe muajit mars, kur shumica e vendeve kishin imponuar një lloj kufizimi për lëvizjen, aktiviteti i tregut në të tre vendet u rrit me mbi 25 %.
Studiuesit hodhën teori se përdoruesit e zakonshëm po ktheheshin në ‘darkweb’, pasi kishin vështirësi në blerjen e kanabisit nga tregtarët e tyre të rregullt.
Shitjet e madhësisë së mesme dhe të mëdha të drogës ranë ndjeshëm gjatë së njëjtës periudhë si çmimet.
“Kjo mund të shpjegohet nga ata persona të cilët merren me rishitjen e kanabisit të blerë nga tregjet ‘online’ të cilët pretendojnë se mundësitë e tyre do të shkatërrohet dhe për këtë arsye nuk bëjnë blerje të reja.”,tha EMCDDA./fjala.al/R.G
