Ditën e sotme Kosova ka rihapur kufijtë tokësorë që qëndronin të mbyllur që më 13 mars, për të frenuar përhapjen e koronavirusit.
Qeveria në detyrë e Kosovës e mori këtë vendim të dielën, dje, dhe Qendra Kombëtare për Menaxhim Kufitar konfirmoi se janë rihapur kufijtë në Merdarë, Vërmicë, Kullë, Hani i Elezit, Jarinë dhe Dheu i Bardhë raporton rel.
Autoritetet vendosën që të gjithë personat që hyjnë në territorin e Republikës së Kosovës dhe që kanë rezultuar negativ për testin e koronavirusit, jo më shpejt se para katër ditëve, të mos u nënshtrohen procedurave të vetizolimit. Ata që nuk kanë bërë këtë test, do detyrohen të vetizolohen për shtatë ditë.
Në Kosovë janë konfirmuar gjithsej 1,083 raste me koronavirus, prej tyre 843 janë shëruar, ndërsa 30 kanë vdekur.
Kosova ka nisur lehtësimin e masave të izolimit me faza që prej 4 majit.k.t/Fjala.al/
