Federata Kroate e Futbollit ka dënuar me 4 ndeshje pezullim lojtarin e kombëtares shqiptare të futbollit, Eros Grezdën, për shkak të sherrit me lojtarin e Rijekës, Antonio Çolak pas përfundimit të ndeshjes.
Vendimi që është marrë sot bën me dije se Grezda dënohet me 4 ndeshje pezullim në të gjitha aktivitetet sportive në vend.
“Komisioni disiplinor vendosi një pezullim prej 4 ndeshjesh për Eros Grezdën në kampionat ose kupe. Ai u dënua për sulmim fizik ndaj lojtarit të Rijekës, Antonio Mirko Çolak jashtë fushës së lojës në stadiumin e Rijekës pas ndeshjes gjysmëfinale të Kupës së Kroacisë, duke kryer kështu një shkelje të nenit 57 të Rregullave Disiplinore. Përmes klubit, ky vendim iu dorëzua lojtarit”-thuhet në njoftimin e FKF-së.k.t/Fjala.al/
