“Sot i kemi dhënë shqiptarëve besimin, u kemi treguar se ne e duam Shqipërinë“. Kështu u shpreh deputetja Rudina Hajdari pas përfundimit të takimit të Këshillit Politik dhe arritjes së marrëveshjes.
Edhe pse e shqetësuar që sistemi zgjedhor nuk u ndryshua për të shkuar drejt listave të hapura, Hajdari u shpreh se mori garancinë nga ambasadorët që Shqipëria do shkojë drejt atij sistemi.
Hajdari, tha se ishte e kënaqur me arritjen e marrëveshjes dhe ky veprim i hap rrugën Shqipërisë drejt BE-së.
Deputetja garantoi se nuk ishte e lehtë për të gjithë kjo dakordësi, të quhej Reformë duhej të kishte elementë të tillë jo vetëm ato që u pasqyruan në tavolinë.
“Unë kam qenë transparente kam treguar të vërtetën, sot them nëse do e bllokoja unë këtë marrëveshje do dukej sikur unë nuk e dua Bashkimin Evropian. Opozita ka qëndruar në Parlament për t’i shtruar rrugën Shqipërisë.
Duhet te jemi vigjilent, nuk ka dëmtim të zgjedhjeve ka edhe të demokracisë.
PS-ja e ka kapur pushtetin e trajton Shqipërinë siç e do vet, jam e bindur që shumë njerëz janë koshient se hapja e lista është gjëja me e rëndësishme. Duhet që ai i cili do të vijë pas Ramës të mos sillet si Rama.”
gj.b/fjala.al
