Policia italiane ka finalizuar ditën e sotme një operacion për goditjen e trafikut ndërkombëtar të drogës mes Italisë dhe Shqipërisë.
Nga ky operacion kanë rënë në pranga pesë persona, ku njeri prej tyre akuzohet edhe për vrasjen e një shqiptari. Është mësuar se vrasja e shqiptarit ka ndodhur për shkak të mosmarrëveshjeve në trafikun ndërkombëtar të drogës midis provincave Treviso, Venecia, Milano, Como, Leço dhe Reggio Kalabria, por edhe jashtë vendit, në veçanti në Shqipëri, Rumani, Angli dhe Gjermani.
Ky hetim zgjati rreth dy vjet, çoi në sekuestrimin e 350 kilogramëve marihuanë, kokainë dhe substanca doping. Besnik Metaj thuhet se ka qenë një nga anëtarët e organizatës së trafikantëve të drogës dhe dyshohet se u vra për çështje që lidhen me mospagimin e dërgesës së drogës.
Mediat italiane raportojnë që edhe 45-vjeçari, banues në Como besohet se ishte anëtarë i Ndranghetas në Erba. Ndërsa vrasësi, emri i të cilit ende nuk është bërë i ditur e qëlloi shqiptarin me armë në kokë dhe e varrosi atë lakuriq në pyllin e Eupilio.k.t/Fjala.al/
