Me 6 vota pro dhe 3 kundër Këshilli i Lartë Gjyqësor ka vendosur përfundimin e mandatit të Ardian Dvoranit si anëtar i Gjykatë së Lartë dhe njëkohësisht si drejtues i Këshillit të Emërimeve në Drejtësi.
Relatorja e çështjes Marsela Shehu ka deklaruar se Dvoranit i ka mbaruar detyrimi kushtetues për të pritur pasardhësin e tij dhe se qëndrimi në detyrë mbi afate cënon dhe vë në rrezik parimet e Kushtetutës.
Mësohet se mbledhja e sotme është shoqëruar me debate të forta për shkak se jo të gjithë anëtarët ishin në të njëjtin mendim.
KLGJ iu kërkoi mendim OPDAT dhe EURALIUS, por përgjigja e tyre ishte se ajo duhet të vendoste vetë mbi këtë çështje me argumentin se ky qëndrim është jashtë kompetencave të tyre.
KLGJ u vu në lëvizje për këtë çështje nga Presidenti Ilir Meta, konflikti i të cilit me anëtarin e Gjykatës së Lartë dhe njëkohësisht kryetar i Këshillit të Emërimeve në Drejtësi për procedurën e dekretimit të anëtarëve të Gjykatës Kushtetuese, vijon prej gati 8 muajsh. Meta i kërkoi KLGJ që të shprehet ose të njoftojë përfundimin e mandatit të Dvoranit, pasi sipas tij me zgjidhje e tre anëtarëve të rinj në Gjykatën e Lartë ai ishte zëvendësuar. Meta thotë se Dvorani është zëvendësuar nga anëtari Sokol Sadushi.
/En.Br./Fjala.al
