162 raste të reja pozitive, 9 viktima dhe 5 të shëruar është bilanci i COVID-19 për 24 orët e fundit në Maqedoninë e Veriut.
Autoritet vendase të shëndetësisë konfirmuan se nga 778 testime të realizuara në 24 orët e fundit, 162 prej tyre kanë rezultuar pozitive me COVID0-19. Ndërkohqë që kanë ndërruar jetë dhe 9 pacientë të tjerë për shkak të koronavirusit. Tre viktima janë nga Shkupi, një nga Prilepi, dy nga Tetova, një nga Struga, një nga Velesi dhe një nga Gostivari.
Gjatë 24 orëve të fundit betejën me COVID-19 në Maqedoninë e Veriut e kanë fituar dhe 5 pacientë të tjerë. Sipas qyteteve: 2 pacientë nga Shkupi, 2 nga Prilepi dhe një nga Tetova.
Numri në total i pacientëve të diagnostifikuar me COVID-19 në Maqedoninë e Veriut ka arritur në 4057, prej të cilëve 1710 janë shëruar kurse 188 pacientë kanë ndërruar jetë si pasojë e Covid-19 në disa raste të shoqëruara me sëmundje tjera. Aktualisht ka 2159 raste aktive me koronavirus./En.Br./Fjala.al
