Flamur Noka shpreh shumë rezerva ndaj mazhorancës për mënyrën se si qeveris por sidomos në procesin zgjedhor. Por ama si PD dhe PS ranë dakord për sistemin e listave të hapura. Për Flamur Nokën një nga politikanët më të votuar në PD, listat nuk përbëjnë një problem pasi sërish kandidatët për deputetë do i vendosin kryetarët e partive. Këtë e ka shprehur në emisionin HARD TALK NGA ROLAND QAFOKU, për grupin mediatik “FJALA”.
-Lidhur me listat e hapura, keni vepruar njësoj si Edi Rama.
–Thelbi që sot duhet të diskutohet është garantimi i votës së lirë dhe paprekshmërisë së saj. Të gjitha të tjerat pastaj janë dytësore. Demokraci kur nuk ke të garantuar votën e lirë, mos pretendo të kesh. Ne akoma nuk kemi garantuar votën e lirë, ju akoma merreni sikur është e keqja listat e hapura.
-A e garanton plotësisht votimi elektronik votën e lirë?
-Është një element sigurie, nuk është garancia e plotë. Garancia e plotë është vullneti politik për të mos vjedhur votën. Sepse jo gjithçka rregullohet me sanksione ligjore. Ne po bëjmë gjithçka që në kod të futen masa të cilat minimizojnë. Po qe se ekziston vullneti, ka ndikim. Opozita ka sa bën në dorë. E keqja nuk është te listat e mbyllura apo listat e hapura. Po qe se një lider ka vullnet që në listë të mos fusë persona të inkriminuar, nuk i fut si të jenë listat e hapura, si të jenë të mbyllura. Po qe se ka vullnet ta mbyllë listën me njerëz të inkriminuar e bën si të jenë listat e hapura, si të mbyllura. Ne kemi ndërmarrë një nismë tjetër që ka kaluar pak si në heshtje, pretendentët për kandidatë për deputet ose kryetar bashkie, do kalojnë në besimin e strukturës. Dhe kjo është për t’u përshëndetur. /Fjala.al/Ke.Ba
https://www.youtube.com/watch?v=ZZdJPhihuWA
