Pas plot 6 vjetësh në borderonë e klubit, 5 marrëveshje huazimi dhe asnjë ndeshje “në aktiv” Chelsea e ka shitur “njeriun e harruar” që kishte te Blues. Mario Pasalic zyrtarizohet si lojtar i Atalanta për 13.5 milionë paund.
25-vjeçari ka shijuar huazimin magjik në skuadrën italiane gjatë dy sezoneve të kaluara, në të cilat ai ka shënuar 15 gola në 75 paraqitje, dhe tani është bashkuar me klubin e Bergamos përfundimisht. Pasaliç asnjëherë nuk bëri një paraqitje zyrtare për Blutë, pasi u bashkua me skuadrën në Premier League gjashtë vjet më parë nga Hajduk Split në moshën 19 vjeç. Në vend të ndeshjeve, Pasaliç e kaloi karrierën e tij te Chelsea jashtë në huazim, duke përfshirë në Spartakun e Moskës.
Në karrierën e tij me Chelsea nën kontratë por jo efektiv, përfshihen huazime në të gjithë Evropën me pesë klube të ndryshme. Ai pati lëvizje të përkohshme për një sezon në Elche, Monaco, Milan dhe Spartak Moskë para dy viteve të tij me Atalantën. Në vitin e tij të parë me skuadrën e Serisë A, ai i ndihmoi zikaltërit të siguronin Ligën e Kampionëve për herë të parë në historinë e tyre.
“Falënderojmë Mario për shërbimin e tij në klub dhe i urojmë fatin më të mirë për kapitullin tjetër të karrierës së tij,” thuhet në një deklaratë në faqen zyrtare të klubit të Chelsea.
