Keanu Reeves udhëtoi bashkë me të dashurën e tij 55 vjeçare Alexandra Grant drejt Berlinit, atje ku pritet të rinisin këtë javë xhirimet për “Matrix 4”.
Alexandra me profesion artiste por e njohur si filantropiste, dukej mjaft e lumtur që shoqëronte Keanu, aktorin 46 vjeçar, teksa janë fotografuar të qeshur krah njeri-tjetrit dhe bashkë me aktorë të tjerë, pjesë e kastit.
“Matrix 4” do të shfaqet në kinema në vitin 2021 dhe prodhimi i tij nisi në janar të këtij viti, por xhirimet ndaluan në muajin mars për shkak të pandemisë, megjithatë kasti i aktorëve dhe pjesa tjetër e stafit janë ribashkuar këtë fundjavë në kryeqytetin gjerman.
“Jam shumë i lumtur që i rikthehem këtij personazhi dhe jam gjithashtu mirënjohës që punoj përsëri me miq brilant” u shpreh aktori.
Aleksandar Hemon dhe David Mitchell janë bashkëautorë të skenarit për “Matrix 4” ndërsa Keanu Reeves do të luajë përsëri personazhin kryesor Neo. Reeves dhe Grant u shfaqën për herë të parë në publik si çift në nëntor të vitit të shkuar dhe prej asaj kohe, spekulimet për lidhjen e tyre kanë qenë të shumta, sikurse edhe kritikat për moshën e aktores në krah të Reeves.
Shumë thonë se ata kanë disa muaj bashkë ndërsa të tjerë thonë se lidhja mes tyre vazhdon prej vitesh./Re.Gu/Fjala.al
