Seanca plenare në Kuvendin e Kosovës e planifikuar për t’u mbajtur ditën e sotme në orën 10:00 është shtyrë për një datë tjetër.
Kjo vjen pas ngritjes së akuzave nga Zyra e Prokurorit të Specializuar ndaj Presidentit të Kosovës, Hashim Thaçi dhe kryetarit të Partisë Demokratike të Kosovës, Kadri Veselit për krime gjatë Luftës së Kosovës.
Përmes një njoftimi për media nga Kuvendi i Kosovës, theksohet se me kërkesë të propozuesit të rezolutës dhe pajtim të grupeve parlamentare, është shtyrë vazhdimi i seancës plenare të Kuvendit, i parashikuar për sot në orën 10:00.
“Për kohën e mbajtjes së saj, do të vendosë Kryesia e Kuvendit”, thuhet në njoftim.
/En.Br./Fjala.al
