Zbardhet vendimi i plotë i Gjykatës së Posaçme të Apelit lidhur me prishjen e vendimit dhe rikthimin e dosjes së ish-ministrit të Brendshëm Saimir Tahiri.
Sipas dosjes konstatohet se ka një shkelje proceduriale të dispozitave në kohën kur SPAK ka dërguar akuzat.
Ndërkohë ka një kontraditë mes Prokurorisë dhe Krimeve të Rënda lidhur me akuzën e kultivimit të kanabisit.
Vendimi i marrë në Katania cilësohet si jopërfundimtar nga gjykata pasi sipas këtij institucioni nuk i plotëson kushtet.
Nga ana tjetër janë shkelur disa dispozita nga Prokuroria për akuzat e reja ndaj Tahirit dhe Jaeld Çelës si dhe në rikualifikimin e veprave penale nga Gjykata e Krimeve të Rënda e cila ka dhënë edhe një vendim më parë por që sot Gjykata e Posaçme e Apelit e hodhi poshtë.
Pas tre vitesh, çështja e Saimir Tahirit do të rikthehet për rigjykim që nga fillimi, por nga ana e tij ish-ministri e ka cilësuar si të padrejtë këtë vendim./Fjala.al/Ke.Ba
