Katy Perry pranon se ka qenë në prag të vetëvrasjes në vitin 2017, kur u nda nga i fejuari i saj Orlando Bloom. Këngëtarja amerikane thotë se në atë periudhë ka pësuar një goditje shumë të rëndë mendore, fill pas ndarjes përkohësisht nga aktori britanik.
Në një intervistë, 35 vjeçarja pranon se në atë periudhë sapo kishte publikuar edhe albumin e saj “Witness”, i cili po shitej shumë më pak nga albumi i 2013-ës, “Prism”. Kate, e cila tani është në pritje të një vajze nga Orlando, thotë se ajo ishte hera e parë në jetë që pësoi një krizë nervore.
“Karriera ime ishte në një trajektore që vetëm rritej dhe në ato moment pësoi rënie. Nuk ishte negative në një perspektivë afat-gjatë por për mua ishte e tmerrshme. Isha dhënë aq shumë pas albumit tim dhe më shkatërroi fakti që gjërat nuk ecën siç unë prisja. U ndava edhe nga i dashuri, që tani është babai i fëmijës tim” rrëfen Katy. “Në atë moment u shemba” pranon këngëtarja.
Edhe pse më herët ishte ndarë nga një i dashuri i saj për disa vite, komediani Russell Brand, Katy këtë herë e kishte më të vështirë dhe thotë se vetëm besimi e ndihmoi që të rimëkëmbet.
“Ishte e rëndësishme ajo që përjetova, mënyra se si e lëshova veten sepse kështu arrita të gjej veten në një mënyrë tjetër. Mirënjohja është ndoshta gjëja që më shpëtoi jetën. Gjeta mënyrat sesi të isha mirënjohëse e të kontrolloja jetën” e mbyll rrëfimin e saj këngëtarja./Re.Gu/Fjala.al
