Kontrolli i Lartë i Shtetit ka publikuar dëmin ekonomik që i është shkaktuar buxhetit të shtetit nga auditimet e ushtruara përgjatë harkut kohor 2012-2019.
Shkeljet e konstatuara përgjatë këtyre viteve, sipas KLSH-së, kapin shifrën e 6.2 miliardë euro, 5.4 herë më i lartë se dëmi ekonomik i zbuluar në vitet 2002-2011, i cili llogaritet 47.4 miliardë lekë.
Kontrolli i Lartë i Shtetit ka konstatuar parregullsi dhe shkelje financiare në të ardhurat dhe shpenzimet e kryera me dëm ekonomik në shumën 2 miliardë euro. Gjithashtu shkelje janë konstatuar edhe në keqmenaxhimin e fondeve të programuara si dhe shkelje të disiplinës buxhetore lidhur me likuidimin e shpenzimeve në shumën 4.2 miliardë euro.
Gjithashtu KLSH bën me dije se në 8 vitet e fundit në lidhje me kallëzimet penale numri është dy herë më i madh krahasuar me periudhën 2002-2011.
/En.Br./Fjala.al
