Policia e Qarkut Tiranës ka arrestuar 8 persona dhe ka proceduar penalisht një tjetër të cilkët akuzohen për vepra të ndryshme penale.
Më konkretisht:
- Seksioni për Hetimin e Narkotikëve kanë arrestuar shtetasin K. H., 36 vjeç dhe proceduar penalisht shtetasen L. R., 30 vjeç, pasi në rrugën “Jordan Misja”, gjatë kontrollit fizik, këtyre shtetasve Policia i gjeti dhe i sekuestroi në cilësinë e provës materiale 11 gr. lëndë narkotike heroinë, e ndarë në doza gati për shitje.
- Specialistët për Hetimin e Krimit në Komisariatin e Policisë Nr. 1 kanë arrestuar shtetasin E. M., 23 vjeç dhe është shpallur në kërkim shtetasi E. N., 27 vjeç, pasi gjatë natës, në rrugën “Fatmir Haxhiu”, në bashkëpunim me njëri-tjetrin, kanë vjedhur biçikletën e shtetasit G. B. dhe biçikletën e shtetasit A. Th.
- Specialistët për Hetimin e Krimit në Komisariatin e Policisë Nr. 4 kanë arrestuar shtetasin G. R., 18 vjeç, pasi në rrugën “Gaqo Tashko”, u kap në flagrancë duke drejtuar mjetin pa lejen përkatëse. Gjatë kontrollit në mjet u gjet dhe u sekuestrua në cilësinë e provës materiale një dorezë hekuri që shërben si përforcues grushti.
- Specialistët për Hetimin e Krimit në Komisariatin e Policisë Nr. 5 kanë arrestuar shtetasin S. G., 29 vjeç, i dënuar më parë për veprën penale “Vjedhja”, sepse gjatë natës, në fshatin Valias i Vjetër, ka tentuar të vjedhë në ambulancën mjekësore të fshatit.
- Shërbimet e Komisariatit të Policisë Kavajë kanë arrestuar shtetasin S. B., 28 vjeç, pasi ditën e djeshme, në rrugën dytësore tek mbikalimi Harizaj-Lekaj, ka aksidentuar me pasojë vdekjen, shtetasen T. L.
Specialistët e Qarkullimit Rrugor kanë arrestuar shtetasit:
• E. K., 25 vjeç dhe L. H., 36 vjeç, pasi u kapën në flagrancë duke drejtuar mjetet pa lejen përkatëse;
• K. L., 18 vjeç, pasi ditën e djeshme, te Bulevardi Blu, ka aksidentuar shtetasin R. M., këmbësor, i cili ndodhet në spital, jashtë rrezikut për jetën.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
/En.Br./Fjala.al
