Një vartër e re infeksioni duket se është shfaqur në qytetin e Përmetit ku janë regjistruar 3 raste të reja me COVID-19.
Burime bëjnë me dije se njëri prej 3 të infektuarve është një biznesmen me iniciale Xh.K. i cili është infektuar pas vizitës së fundit në kryeqytet.
Ndërkohë që e infektuara e dytë mësohet të jetë një edukatore e qytetit të Përmetit, me iniziale O.T. e infektuar pas plazhit në Himarë. Rasti pozitiv i edukatores ka çuar në mbylljen e kopshtit nga dita e djeshme.
Rasti i tretë i përket një gruaje nga fshati Kosinë i Përmetit më iniziale E.F.
Të tre të infektuarit janë vetëkarantinuar në banesat e tyre ndërkohë që autoritetet kanë filluar të gjurmimin e kontakateve që kanë patur të prekurit nga virusi për të parandaluar një përhapje më të madhe të infeksionit. /Ra.My. Fjala.al/
