Operatorët e transportit ndërqytetas janë shprehur të pa kënaqur me kushtet të cilat po punojnë.
Ata shprehen se kanë vështirësi financiare për vazhdimin normal të punës pasi shteti u ka premtuar ndihmë por nuk po e marrin.
Kreu i shoqatës së transportit ndërqytetas, Kujtim Mema bëri dy kërkësa që sipas tyre janë imediate, të luftohet informaliteti dhe të falet tasksa e bashkisë.
Ndërsa disa të tjerë shprehen se situatën mund ta lehtësojë ulja e TVSH-së në 6% ose rritja e blietës.
“Pas fillimit të punës ne shohim që jemi në gjendje të vështirë ekonomike dhe puna jonë nuk ka vlerë financiare. Po dëmtoheni nga transporti informal, shteti na premtoi që do na ndihmonte por nuk po marrim ndihmën e duhur. Informaliteti është në maksimum, sado task forca ka dalë për ta ndaluar, puna është e pakët dhe nuk vlen.
Na është premtuar se do na falet taksa e bashkisë. Ne kemi 5 muaj pa punë dhe nuk kemi para në familjet tona dhe jo më të paguajmë këtë taksë të bashkisë. Rama ka thënë që taksat do të shtyhen deri në dhjetor, ndërkohë që bashki na i solli zarfin. I kërkoj këshilli bashkiak të ulën dhe të rishikojnë situatën tonë dhe të na ndihmojnë. Premtimet janë të mëdha për ta ndihmuar sektorin tonë. Jemi duke pritur, por ka gjëra që nuk mund ti presim, sic është informaliteti”, tha kreu i shoqatës.
Shoqata bëri të ditur se nëse nuk plotësohen kërkesat e tyre do të dalin para bashkisë në protestë. /Ra.My.Fjala.al/
